🇹🇳 مصنوع في تونس، للقهاوي التونسية
الكاسة، كريدي الحرفاء، المصاريف، الخدّامة والتقارير: القهوة متاعك الكلّ في تطبيقة وحدة، على PC وعلى التليفون.
صفحات مشطّبة، حرفاء ما يعترفوش، وديون تتنسى.
بلا أرقام واضحة، ما تعرفش القهوة تربح بالحق ولا لا.
كي تخرج من القهوة، ما عادش تعرف شنوّة صاير فيها.
✅ Cafix يحلّ هذا الكلّ، بالساهل.
المنتوجات في خانات كبار: كليك على كل مشروب والكوموند تتسجّل. على PC، تابلات ولا تليفون.
ما عادش الكرّاس: كل حريف عندو حسابو، شنوّة شرب بالكريدي وقدّاش خلّص. تعرف شكون يتسالك وقدّاش في كل وقت.
حطّ حدّ للكريدي: Cafix ينبّهك قبل ما تزيد تبيع بالكريدي لحريف فات الحدّ، ويعطيك القائمة متاعهم.
قهوة، سكّر، حليب، كراء، ضوء… كل مصروف في بلاصتو: تعرف وين تمشي الفلوس كل شهر.
الشهريات، الأفونس والبريمات متاع كل سرباي، وقدّاش يقعدلو في آخر الشهر.
المبيعات الخالصة، بالكريدي، الكريدي اللي رجع، والفلوس اللي دخلت بالحق: الأرقام الصحيحة متاع قهوتك.
موش في القهوة؟ حلّ Cafix في تليفونك وتابع المبيعات مباشرة وين ما تكون.
حساب لكل واحد يخدم على الكاسة. والمعطيات متاعك تتسجّل نسخة منها كل ليلة.
نزّل Cafix على الشاشة متاع تليفونك كيف أي تطبيقة.
نعطيوك دخول للديمو باش تجرّب كل شي.
عنوان خاص بيك (votre-cafe.cafix.net)، المنتوجات والأسوام متاعك.
فترة تجربة، تكوين ومساعدة على الواتساب.
